الأمن نعمه الشاعر/ حامد الجذع

on

• 2015-10-23 00:42:08
• 0
• 2176

الامن نعمه في بلاد الحرمين 

   ماله مثيل في جميع النواحي

شرع يطبق ماحكمنا قوانين 

نور يشعشع مثل نور الصباحي 

أمن ورخاء يزعج جميع المعادين 

   اللي علينا ينقلون السلاحي 

أهل فكر لكن بعيد عن الدين 

       فكر دخيل لازم انه يزاحي

ياقاتل نفسك قتلت المسلمين 

 وفجرت في المسجد وزدت الجراحي

الدين كامل مايبيله مجانين 

     ناس تقدم فكرها بالرماحي

الدين كامل ياجنود الشياطين 

يامفجرين اجسادهم في البراحي 

وين العقول نقول ياهيه غادين 

ياراعي التفجير ماانته بصاحي 

الدين مايحتاج تشويه باغين

  الدين ماتثر عليه الرياحي 

عقيدة مادنسوها المغالين 

  دستورها القران عدل وسماحي 

قاموا عليه ال السعود الموامين 

حكامنا اللي ينشرون السماحي  

عبدالعزيز مجاهد سنين وسنين 

حتى استقام العدل والظلم راحي 

خمسين عام لين لبى الملبين 

  وحجوا بامان واجبوا للفلاحي 

ثم استلم منه ملوك سلاطين 

  أدوا رسالتهم بكل النصاحي 

سعود والفيصل وخالد حكيمين 

وفهد وعبدالله له الفجر لاحي 

ثم بعدهم سلمان زبن المخلين 

ابوفهد للمجد لابس وشاحي 

قضى على الفتنه صعوط المجانين

 ونصر هل السنه زعيم الصلاحي 

 دون الوطن والدين حنا مفادين

حكام محكومين مثل السباحي 

مع هل الطاعه رجال مطيعين 

وسم على الفتنه واهلها ذحاحي

ياجاهل اصحى وانتبه كان له عين 

ون كان لك عقل وتخاف المطاحي 

ويش فيك تتبع كل دعوى مضلين 

ماتشكر النعمه وتشرب قراحي 

تنهل من العلم المطهر عن الشين 

      اللي يدلك للهدى والفلاحي

فرق كبير وشاسع بين الاثنين 

  ارهاب حرم والجهاد المباحي 

وياجيلنا اللي دوبكم دوب ناشين 

حذرا من افكار تسرب سفاحي 

ويامعلمين اجيالنا يامربين   

الخيرفي هدي النبي والصحاحي

واخر كلامي قولوا امين وامين

   الله يديم الأمن في كل ناحي 

      الشاعر/ حامد الجذع