محمد بن دشن الفهري - سموم العقارب

on

• 2015-09-16 22:36:01
• 0
• 3377

دكت على قلب المعنى طواريه
وﻻ لبدع القاف ماني بطارب
راسي بقند له دﻻلي واقهويه
وآخذ مع الشعر استراحة محارب
علم بصدري غير ماودي ابديه
خلوه مابين اللحا والشوارب
بعض الكﻻم اللي على الكبد ﻻضيه
واشد واخطر من سموم العقارب
كن اﻻفاعي دفقة سمها فيه
خص ليا من صار بين اﻻقارب
هذاك ياتيبه واﻵخر يوديه
وآرائهم فيها اختﻻف وتضارب
قال اللسان وقلت كل البﻻ فيه
ﻻكن ويش اللي هدم سد مارب
وترا الكﻻم الزين من حض راعيه
مايشرب إﻻ من عذاب المشارب
والكلمة اللي من وراها مشاريه
وكل وله فيها ضنون ومآرب
وكل بيلقا فالزمن مايكفيه
اصبر وتلقا في حياتك تجارب
ومن قال مستغني عن اخوه قلت اييه
مادام مستامن وماكل وشارب

محمد بن دشن الفهري