جابر بن ناصر (( الاخلاق ))

on

• 2015-09-12 11:50:59
• 0
• 2606

يالله يامدرج الافلاك سبحانه
ياعالم حاجة ابن آدم وقاضيها

اللي رفعته رفيع ماحد" هانه
واللي تهينه الاهانه مايقاويها

وابن آدم اللي يخافك يرتفع شانه
والرؤوس لاستكبرت بامرك توطيها

انا دخيلك من الشيطان واعوانه
والنفس لاحدثت بالسوء تهديها

نفوس مرتاحة ونفوس طفشانه
ونفوسنا كلبونا الموت قافيها

واللي يبي روحة ماهي بخسرانه
يقدر الخلق ويقدر مباديها

وان سمع له كلمة بفلان وفلانه
إن ماردعها خساره يحتفظ فيها

والغلطه ان جات له من صلب جدانه
ماهو بعيب لما جاته يعديها

واللي حياته تعادل راحة اخوانه
لاراح منها معا الايام يبكيها

والخاسر اللي مايحسب غلطة لسانه
مصير غلطته تنبت له ويجنيها

والرابح اللي علوم الطيب عنوانه
افعاله الطيبه لازم يلاقيها

واللي يبي يرتفع قدره وميزانه
منازل الناس عليا لايوطيها

جيوب خلق الله بالارزاق مليانه
في وقتنا اخلاق خلق الله تمشيها

جابر بن ناصر